"እናንተ ሁላችሁም የአንድ ዛፍ ፍሬዎች፣ የአንድ ቅርንጫፍ ቅጠሎች፣ የአንድ አትክልት ሥፍራ አበቦች ናችሁ።”  ባሃኡላህ

የባሃኢ እምነት ዋነኛ አላማው፥ ዘር፣ ብሔር፣ ሀገር፣ ፆታ፣ እንዱሁም ሀይማኖት ሳይለይ የመላው የሰው ዘርን አንድነት እና ሁለንተናዊ ሰላም መመስረት ነው። የግለሰቦችን መንፈሳዊ ሕይወት በማሳደግ  ከራስ ወዳድነት የነፃ አገልግሎት ለሰው ልጆች እንዲያበረክቱ ለማስቻል ያለመ ነው። የማህበረሰቡ አባላት ለህብረተሰቡ ደህንነት እና እድገት የበኩላቸውን አስተዋፅኦ ለማድረግ በአገልግሎት ተግባራት ላይ በንቃት ይሳተፋሉ። የባሃኢ እምነት  በዚህ ዘመን የሰው ልጅ በአዲስ የመንፈሳዊ እና የማህበራዊ እድገት ዘመን ውስጥ እንዳለ ያስተምረናል። ስለዚህ  በሀገሮች እና ህዝቦች መካከል አንድነት እና ትብብር፣ ዓለም አቀፋዊ  ሰላም ለመመስረት ጊዜው አሁን ነው። 

የኢትዮጵያ ባሃኢዎች ልክ እንደ አለም አቀፉ  የባሃኢ ማህበረሰብ ሁሉ  በሚገባ በተቀናጁ ጥረቶቻቸው እና ዓለምን ወደ ተሻለ ደረጃ ለማድረስ ከሚተጉ ከብዙ ሰዎች ጋር በመተባበር በአንድነት ላይ የተመሰረቱ ንቁ ማህበረሰቦችን ለመገንባት ጥረት ያደርጋሉ። እድሜ፣ ጾታ ወይም ሀይማኖት ሳይለይ እያንዳንዱ የማህበረሰብ ክፍል ለራሱ እና ለአካባቢው እድገት ንቁ ተሳትፎ  ለማድረግ  የሚያስችሉትን የተለያዩ አስተምህሮቶችን እና ስልቶችን የባሃኢ እምነት ለአለም እያበረከተ ይገኛል።