የባሃኢ ፅሁፎች የእግዚአብሔር እውነታ ከማንም ሟች ሰው አእምሮ መረዳት በላይ እንደሆን ያስረዳሉ። ሆኖም ይህ ሊታወቅ የማይችል አምላክ ራሱን ለሰው ልጆች በተከታታይ በመጡ የእግዚአብሔር ክስተቶች  አማካኝነት ገልጧል።  

በዘመናት ሁሉ ተከታታይ  የእግዚአብሔር ክስተቶችን ወይም ነቢያቶችን አምላክ ወደሰው ልጆች ልኳል፡ ይልካልም። በነሱም ትምህርት እርዳታ የሰው ልጅ ፈጣሪውን እንዲያውቅ፣ ወደ ፈጣሪው እንዲቀርብ፣ በስምምነት እና በውህደት ለመኖት እንዲማር  ችሏል።  እነዚህ የአምላክ ግልጸቶች የምንላቸው፡ አብርሃም፣ ክሪሽና፣ ዞሮአስተር፣ ሙሴ፣ ቡድሃ፣ ክርስቶስ፣ እና ሞሃመድ ናችው። አሁን ለዚህ ዘመን ደግሞ አምላክ ለሰው ልጆች የላከው መለኮታዊ መምህር ባሃኡላህ እንደሆነ ባሃኢዎች ያምናሉ።

የባሃኢ እምነት ዋነኛ አላማው፥ ዘር፣ ብሔር፣ ሀገር፣ ፆታ፣ እንዲሁም ሐይማኖት ሳይለይ የመላው የሰው ዘርን አንድነት እና ሁለንተናዊ ሰላም መመስረት ነው። ይህ፡ የሰው ልጆችን አንድ የሚያደርግ ራዕይ በባሃኡላህ ጽሑፎች ውስጥ ተገልጧል። 

ከባሃኢ እምነት መሰረታዊ አስተምህሮቶች መካከል፥ የአምላክ አንድነት፣ የሐይማኖት አንድነት፣ የሰው ዘር አንደነት፥ የከንቱ/ጭፍን ጥላቻ መወገድ (Elimination of prejudice)፣ እውነትን በነፃነት መመርመር፣ የሴቶች እና የወንዶች እኩልነት፣ የሳይንስ እና ሐይማኖት ስምምነት፣ ሁለንተናዊ ትምህርት ተደራሽነት፣ የአምልኮ እና የአገልግሎት ውህደት፣  የነፍስ ዘላለማዊነት፣ እና ሌሎችም ትምህሮቶች ይገኙበታል።