ኤኮኖሚ ነክ ከሆኑት ከባሃኦላህ ጠቃሚ ትዕዛዛት አንዱ ማንኛውም ሰው ጠቃሚ ሥራ ላይ እንዲሠማራ ነው። በማኅበራዊ ኑሮ ቀፎ ውስጥ ሳይሠራ የሚጠቀም አውራ መኖር የለበትም፤ ሙሉ ጤንነት ኖሮት የህብረተ ሰቡን ሀብት የሚመጥ ጥገኛ አካል መኖር የለበትም።

እንዲህም ይላል፦
“እያንዳንዳችሁ በኪነ ጥበብ፥ በንግድና በመሳሰሉት ሥራ ላይ እንድትሠማሩ ታዛችኋል። ይህንንም ሥራችሁን ለእውነተኛው አምላክ ከምታቀርቡት ስግደት ጋር ተመሳሳይ አድርገንላችኋል። ሕዝቦች ሆይ! ስለ እግዚአብሔር ምህረትና ደግነት በማሰብ ጠዋትና ማታ አመስግኑት።

“በስንፍና ጊዜአችሁን አታባክኑት፤ እናንተንና ሌሎችን በሚጠቅም ሥራ ላይ ተሠማሩ። በአድማሱ የዕውቀት ፀሐይና መለኮታዊ ቃላት በሚያንጸባርቁት በዚህ መልእክት የታወጀው ይህ ነው! በእግዚአብሔር ፊት ከሁሉም ይበልጥ የተናቀ ቁጭ ብሎ የሚለምን ነው። የምክንያቶች ምክንያት የሆነውን እግዚአብሔርን አምናችሁ በሥራ ላይ የምትሠማሩበትን መንገድ ፈልጉ።” (ግላድ ታይዲንግስ)

ለአሁኑ ጊዜ የሥራ ዓለም ከሚጠፋው ኃይል የሌሎችን ሰዎች ሙከራ ለመሠረዝና ፍሬቢስ ለማድረግ በሥልጣን ሽሚያና በውድድር የሚባክነው ጉልበት የቱን ያህል ነው! ስንቱስ ነው በይበልጥ ጉዳት በሚያስከትል መንገድ የሚጠፋው! ሁሉም ቢሠራና፥ በአእምሮ ሆነ በእጅ የሚከናወነው ሥራ ሁሉ፥ ባሃኦላህ እንደሚያዘው፥ ሥራ ለሰው ዘር ጥቅም ሲውል ጤነኛ፥ ምቹና ከፍተኛ ለሆነ ኑሮ የሚያስፈልገው ነገር በሙሉ ለሁሉም በደንብ በተዳረሰ ነበር። ደሳሳ ቤቶችና ያልጸዱ ሠፈሮች፥ ችጋር፥ ድህነት፥ የኢንዱስትሪ ባርነትና ለጤና ጠንቅ የሆኑ ጎጂ ሥራዎችም ባልኖሩ ነበር።

Interesting blog? Like it on Facebook, +1 on Google, Tweet it or share this article on other bookmarking websites.